أتمنى ان أرى أرائكم

السلام عليكم:

بشكرك عبد



والله ياعبد الضمير بالنسبة لبعض الناس شي كتير اساسي
وللأسف
للغير شي كتير تافه

من النادر انو ضمير يفيق
مشان هيك بنسمع قصص عن شاب تاب و...

انشالله يشتغل الضمير بكتير منا

والله ضمير الكتير نايم ولبازم لو شي فنجان قهوة مدري الناس اللي ضمييرها صاحي لازم تاخد كم حبة منوم لتصير متل غيرا

اصعب شي لم ضميري عاتبني بجد بيعيش بقلق بس مع هيك ضل بقراري

السلام عليكم ورحمة الله وبركاته
كيفكن كلكن شو اخباركن تمام ؟؟؟؟
يعني شو ئصدك بصحوة الضمير؟ يعني انو مثلا بكون نايم مثلا؟ حجي الانا يلي بعرفوا انو الواحد بنام من التعب فممكن يكون الضمير تعب ئام نام؟ او حدن مثلا طارئو ابرة منوم وما عم فينو يتحرك او يصحى؟؟؟
صديقي عبد الضمير مو شي مادي لحتى يصحى او يتحرك
الضمير براي طبعا وهاد راي الشخصي يلي بقولوا عن قناعة ويمكن ماتناسب الكل
الضمير شي روحي وهاد شي معروف بس هو القسم يلي بحس وبيشعر من الروح بحالات معينة يعني كتير بنسمع انو الروح بتحب وهاد الشي مسؤول عنو القلب
وبنسمع انو والله زعل عموت رفيقو وهاد مسؤول عنو القلب وبنسمع انو والله فرح لانو حكا مع البنت يلي بحبا وهاد كمان مسؤول عنو القلب
القلب مركز الروح والضمير هو عبارة عن اطار خارجي للروح يعني هو اطار خارجي للقلب
عبد ايام حرب غزة تحرك ضميرك ؟؟؟؟ كيف تحرك يعني كان بمكان وراح لمكان ونفس الشي بحرب العراق ونفس الشي وئت بنحضر فلم رومانسي
اكيد مو هندي او مصري
براي يا صديقي عبد انو الضمير مات من اول ما خلئ أدم وسيدنا أدم نسي فوء بالجنة فمحدا يحكي ويئول انو بيعرف الضمير وبيعرف يحكي عن الضمير لانو محدن منا عندو ضمير
انا هاد راي
ونحنا عايشين بقرن فيو كل واحد يعبر عن رايو

Abo Fayez كتب:
انا هاد راي
ونحنا عايشين بقرن فيو كل واحد يعبر عن رايو

يا صاحبي إذا كان رأيك يجرح الناس كل الناس فهذا ليس برأي وإنما هذا تجريح ولا تنسى إنه لايوجد حرية مطلقة ولو فرضنا إن الحرية شئ مطلق لأكل الناس بعضهم بعض
وتكون بهذه الحالة الدانمارك وهولندا وسويسرا على حق

هل تقصد أن كل البشرية بلا ضمير ؟؟؟؟؟؟!!!!!!!!!!كلامك في كتير من التشاؤم والسوداوية
ما فيك اتقلي انو الرسل كانوا بلا ضمير...ولا فيك تقلي انو الصحابة والعلاماء الذين أوصلوا لنا الدين الحنيف بكل أمانة بلا ضمير .......ولا فيك تقلي ان أبطال غزة الذين ضحوا بكل ما يملكون بلا  ضمير....ولا العامل البسيط الذي يسعى بكل أمانة ليأكل لقمة عيشه بلا ضمير.........ولا ..........ولا..........الخالضمير موجود داخل كل شخص فينا لكن  قوته تختلف من شخص الى أخر والقيم والتربية هي التي تتحكم بقوة الضمير .....فالضمير هو القوة الداخلية الدافعة للإنسان ليقوم بفعل معين و التي تمنعه من فعل أخر ....وكثيرا ما يتعرض الإنسان لهفوات تجعله يتجاهل تلك القوة التي ستؤنبه فيما بعد....وقد يجره ذلك الندم الى العودة الى الصواب ......أنا أوافقك الرأي أننا كلنا نخطئ لكن لا أعتقد أن كل البشر لا يملكون ضمير وكما قلت لك أنا الضمير يحكمه القيم والمبديئ فنحن بنضرنا حرب العراق خيانة لضمير الإنساني لكنه بنضر بوش وأخرين نصر قومي .....لاأن قيمهم الفاسدة عودتهم هذا .......أي أن اضمير بمضوره السلبي والإيجابي يختلف من شخص الى أخر حسب قيمه وتقاليده وتربيته............مشكور على مشاركتك وأهلا وسهلا بك بين أخوتك وأصدقاءك بانتظار المزيد وردة وردة بارك الله بك وردة  

السلام عليكم ورحمة الله وبركاته
يعني اول شي عن جد شي حلو انو فورا في عالم بتكون عم تراقب وتناقش وهاد شي حلو
يعني كان فيكن بكل بساطة تحذفو تعليقي وماتعزبو حالكن وتردو بس شي ممتاز انو هيك عم تشتغلو وانشالله اضلو هيك
تاني شي مافي داعي للهجوم ولا في داعي مني للتبرير او الدفاع بس كونوا الموضوع موضوع نقاش رح احكي
انا ما قلت انو الرسل بدون ضمير
ولا قلت انو الصحابة بدون ضمير
ولا حكيت عن الاشراف مطلقا
لانو هنن اكبر من انو انا او اي واحد منكن يحكي عليهن
تالت شي انا قلت محدن منا يعني انا بس جملت يلي رح يشوفوا كلامي ويردوا عليه ووئت ئلت انو سيدنا آدم ترك الضمير بالجنة فهاد كلامي مجازي القصد منو انو الضمير ميت على الاقل الضمير العربي لانو الغرب عندن ضمير ومابدنا نحكي حكي وطنيات او اخلاقيات عربية ومشان موضوع الدانمارك وهولندا انا ما قلت ولا بقول انن على حق وللعلم انا شاركت بالحملة يلي كانت ضد البضائع تبع هدول الدول وشاركت بتهكير مواقع لبعض من هي الشركات بمساعدة شباب من سوريا والسعودية ولبنان اما موضوع الحرب على العراق من نظرنا مدري شو ومن نظر بوش مدري شو كان انا كان قصدي انو شو هالضمير يلي اتحرك فينا بالنهار وبالليل انسينا العراق بلعبة شدة او نفس اركيلة ما عم احكي عنكن عم احكي عن ضمير شارع عربي كامل واكيد انتو ما بتمثلو كل هاد الشارع ونفس الشي بالنسبة لفسطين
نحنا عفكرة اجمالا ومحدا يزعل مني حتى لو ما انتشر هاد التعليق نحنا اجمالا بنحب ننقد بدون هدف كلكن افهمتو من كلامي سوداوية وعبارات جدا طنانة بس محدا سئل السؤال للئيم انو ليش ؟؟؟
ليش راحت فلسطين؟؟؟؟ لانو مافي ضمير عربي
ليش طار العراق ؟؟؟ لانو كافي ضمير عربي
ليش حرب غزة ؟؟؟ لانو كلنا ضمير عربي
ليش حرب لبنان ؟؟؟؟ كلنا مشاعر قوية تجاه القضية
ليش يلي معو مصاري الكل بيحترمو ويلي ما معو شي محدا بيطلع بجنازتو وهاد الشي انا شفتو عندكن بكفرلاها وبتلدهب وبتلدو على الاقل واكيد هاد مو كل العالم
ليش مشروع الصرف الصحي ضل 7 سنين ما اكتمل لانو عند رؤوساء البلديات ضمير
ليش مات رفيقي ومرتو على جشر الموت المعروف لان يلي عملو ضمير
والف ليش وليش وليش
ماتفهمو كلامي انو انا سوداوي او متشائم او مابعرف شو ممكن توصفوني
بس متحكوني عن اشيا نظرية اكيد يلي عم يشتغل مشان يطعمي ولادو بضمير واكيد انا ماحكيت عليه بس يا ترا ازا هاد نفسو فجاة صار مليونير برايكن بضل بنفس الضمير ؟؟
انا عم احكي علي بايدهن القرار مو على يلي مالو لا حول ولا قوة
وبعتذر ازا كنت جرحت مشاعر حدا بس متل ماحكيت يلي بدو ينقد لازم يكون على الاقل مو رجل اقوال بل رجل افعال
 
ورجوني شي صار بدل عن ضمير ضمير كبير متل الضمير العربي شو عمل
ببلاد الغرب البس لك البس بيعملولو مظاهرة وبضلو يعملوها لحتى البس يكيف بشباط ونحنا ........ خليها على الله
السلام عليكم ورحمة الله وبركاته

السلام عليكم ورحمة الله وبركاته
هالتعليق موجه فقط للسيد الصديق جدا عبد الرحمن وبتمنى انو يرد هو عليه
بالجامعة عندك عبد كم دكتور في عندو ضمير ؟؟؟ بصراحة من وجهة نظرك يعني شو النسبة
ولكم جزيل الشكر

السلام عليكم ورحمة الله وبركاته
انا بدي اطرح موضوع للنقاش ازا فيني بعد كل ما حكيتو اليوم يعني اطرح شي ؟
تعو نتناقش حول موضوع الحب هاد موضوع مافيو اشيا بتزعج حدا كل واحد يعرف شو هو الحب بالنسبة الو ونحكي شوي عنو بركي بنتعلم او على الاقل بركي انا بتعلم اني حب بركي بخرج من السوداوية تبعي
ولكم جزيل الشكر
كلكن

ماح طول عليك يمكن كتير من الحكيتو صح بس مو كل أصابعك متل بعض ومو كل الناس بل ضمير وما بيجوز تعمم......فيكتير من الناس الي بتخاف الله........حتى لون الإنسان غلط بيوم من الأيام ما بجوزنحكم علي حكم مطلق ....ممكن الله يهدي ويصحا ويرجع لصواب...ولازم نبددا من نفسنا نحنا لحتى نغير هالواقع لازم نبدا نحنا مو نستنا غيرنا ........مشكو رررررررررررررررر لا تحرمنا طلتك وردة

موضوع حلوة وفكرة رائعة بس فتاح موضوع جديد اذا بتريد ما بجوز يكون موضوعين داخل بعض.........ولك جزيل الشكر

شكراً جزيلاً للجميع على هذه المناقشات التي أعتبرها بناءة لأنها كما يبدو صادرة عن ضمير وحطوا تحتها 10 خطوط لأنو اللي خلاكم تكتبوا كل هاد الشيء هو الضمير والضمير فقط ( مزبوط ولا لأ )

Abo Fayez كتب:كان فيكن بكل بساطة تحذفو تعليقي وماتعزبو حالكن وتردو

أخي لو كانت هذه غايتنا لما كنا سميناه ( حوار مفتوح )
إن غايتنا هي مشاركة الخبرات والأفكار التي نسعى من خلالها للدفع للأمام وليس العكس فنحن كان ومازال هدفنا هو النقد البناء

وفي النهاية شكراً لكم جميعاً